Бишкек, 03.08.22. /Кабар/. Ысык-Көл облусунда жол кырсыгынан үч адам каза болду. Бул тууралуу ИИМдин Жол кыймылынын коопсуздугун камсыздоо башкы башкармалыгынан билдиришти.
Маалыматка ылайык, кечээ, 2-августта саат 15:20да Ысык-Көл райондук милициясына Чырпыкты жана Тору-Айгыр айылдарынын ортосунда жол кырсыгы катталгандыгы тууралуу билдирүү түшкөн.
Милициядан белгилешкендей, Кара–Балта шаарынын З.у Э. аттуу тургуну “Опел-Зафира” үлгүсүндөгү унааны башкарып бара жатып, рулга ээ боло албай, жол кырсыгына кабылган. Алдын ала маалыматтар боюнча, унаанын дөнгөлөгү жарылган.
Кырсыктын кесептинен 3 адам каза болуп, бирөө жабыркаган.
Аталган факт райондук милицияга катталып, тиешелүү экспертиза дайындалды. Учуруда тергөө иштери жүрүп жатат.
Пикир
Оставить комментарий