Бишкек, 08.03.24./Кабар/. Кыргызстандын грек-рим күрөшү боюнча курама командасынын мүчөсү Үзүр Жусупбеков күрөш боюнча Yasar Dogu&Vehbe Emre аттуу эл аралык мелдеште коло байгеге ээ болду. Бул тууралуу Дене тарбия жана спорт департаментинен билдиришти.
Мелдеш Түркиянын Анталия шаарында өтүүдө. 7-мартта башталган биринчилик 11-мартта аяктайт.
Кыргызстандык спортчу 97 кг чейинки салмакта күч сынашты. 1/16 финалда өзбекстандык, кийин грузиялык балбанды артта калтырды. 1/4 финалда ирандык балбанга утулуп, бирок коло үчүн күрөшүүгө мүмкүнчүлүк алды.
3-орун үчүн беттеште дүйнөнүн эки жолку чемпиону, түркиялык Метехан Башаровду жеңип, коло байгени багындыра алды.
Пикир
Оставить комментарий