Бишкек, 07.04.20. /Кабар/. Өзбекстан Айыл чарба министрлиги 15-апрелден тартып өлкөдө картошка тартыш болбой турганын билдирди.
Маалыматка караганда, жакынкы күндөрү базарларга жергиликтүү фермерлер өстүргөн картошкалар чыга баштайт.
«Адатта март-апрель айларында картошка тартыштыгы (45-50 миң тонна) болот. Бул маалда ички суроо-талап запастагы жана чет өлкөдөн келген продукциянын эсебинен камсыздалып келген», – деп айтылат билдирүүдө.
Министрликтин маалыматында, 2019-2020-жылдардын кыш жана жаз маалы үчүн 181 миң тонна картошка камдалган, ушул тапта 133 миң тоннасы сатылды.
Белгилей кетсек, 30-мартта Өзбекстан базарларында картошканын баасы 3,5 миң сумдан 7 миң сумга (0, 73 доллар) чейин кымбаттап кеткен.
Пикир
Оставить комментарий