Бишкек, 15.05.18. /Кабар/. Өзбекстан менен АКШ Шавкат Мирзиёевдин Вашингтонго болгон сапары учурунда бир нече миллион долларлык келишимге кол коеру күтүлүүдө.
Америка-өзбек соода палатасынын төрагасы Кэролин Лэмм «Узбекистан 24» телеканалына берген маегинде 15-майда жалпысынан төрт миллиард долларлык келишимге кол коюлары пландалганын айтты. Анын билдиришинче, тараптар соода, коммерция, инвестиция багытында кызматташууну арттырат.
Лемм экономикалык кызматташуунун келечектүү багыттарынан бири – мунайгаз жана түстүү металлургия тармагы экенин белгиледи. Ал Өзбекстанда биргелешкен ишканаларды ачуу үчүн жалпы кызыкчылыктар жетиштүү экенин айтты.
Трамп менен Мирзиёев алгач ирет 2017-жылы майда араб-мусулман өлкөлөрү менен АКШнын Эр-Риядда өткөн саммитинин алкагында жолугушкан.
Мирзиёев былтыр сентябрда Нью-Йоркто америкалык компаниялардын өкүлдөрү менен кездешип, эки тараптуу бизнес-форумга катышкан. Форумдун жыйынтыгы менен мунайгаз, мунайхимия, машина куруу, электротехникалык өндүрүш жана жарандык авиация тармагында 2,6 миллиард доллардык келишимге кол коюлган.
Пикир
Оставить комментарий