Бишкек, 26.08.21. /Кабар/. Токиодогу Паралимпиада оюндарында өзбекстандык суучул Ислам Асланов 100 метрдик аралыкта жарышка катышып, коло медалды утуп алды.
25-августта Өзбекстандын Улуттук паралимпиадалык комитети бул өзбек курама командасынын Паралимпиада оюндарындагы алгачкы медалы экенин билдирди.
Токиодогу Паралимпиада оюндарына Өзбекстандан 48 спортчу спорттун 8 түрү боюнча катышууда.
2021-жылдын 24-августунан тартып 5-сентябрына чейин XVI Паралимпиадалык оюндар Токиодо өтөт. Ага 162 өлкөдөн 4400 спортчу катышууда. Арасында качкындар курама командалары да бар.
Пикир
Оставить комментарий