Бишкек, 24.03.22. /Кабар/. Өзбекстандын президенти Шавкат Мирзиёев 23-мартта экономиканын туруктуулугун камсыздоо боюнча жыйын өткөрүп, министрлер кабинетине ички базардагы баанын туруктуулугун камсыздоону тапшырды.
Президенттин басма сөз кызматы кабарлагандай, ички базардагы баанын туруктуулугун колдоо менен калктын керектөөлөрүн камсыздоо, ишкерлерге колдоо көрсөтүү, буудай, өсүмдүк майы, кумшекер жана башка азык-түлүк товарларын импорттоо боюнча тапшырмалар берилди.
Жыйында Мирзиёев өкмөттүн эң башкы милдети – инфляцияны төмөндөтүү жана аны мурда белгиленген көрсөткүчүнө тезинен кайтаруу болуп эсептелерин айтты.
Пикир
Оставить комментарий