Бишкек, 07.03.22. /Кабар/. 6-7-март күндөрү Польшанын Катовице аэропорту аркылуу Украинадан 674 өзбек жараны мекенине алып келинди. Бул тууралуу Өзбекстандын Тышкы иштер министрлигинин (ТИМ) расмий өкүлү Юсуф Кобулжанов билдирди.
Анын айтымында, эвакуацияланган жарандардын арасында 109 аял, 57 бала жана 12 ымыркай бар.
ТИМдин өкүлү өзбек жарандарын алып келүү үчүн 7-мартта дагы бир каттам аткарыла турганын, учурда Польшада 350дөн ашык өзбекстандык калганын кошумчалады.
Расмий маалыматтарга ылайык, 28-февралдан 7-мартка чейин Украинанын аймагынан Өзбекстандын 4 359 жараны чыгарылып, аларды мекенине жеткирүү үчүн 19 аба каттамы уюштурулду.
Пикир
Оставить комментарий