Бишкек, 15.03.22. /Кабар/. Өзбекстандын аймагында жер титирөө катталып, ал Баткен облусунда 3 баллга чейин сезилди. Бул тууралуу Өзгөчө кырдаалдар министрлигинин басма сөз кызматы билдирет.
КР Сейсмология институтунун маалыматына ылайык, 14-март күнү саат 12:29да Өзбекстан Республикасынын аймагында очогунда күчү 5 баллга жеткен жер титирөө катталган.
Жер титирөө Баткен облусунун Лейлек районунун Жаңы-Жер, Достук, Кулунду, Жаңы-Жол айылдарында 3 балл, Тогуз-Булак, Восточный, Маданият, Катраң, Кара-Суу, Булак-Башы айылдарында, Сүлүктү шаарында, Баткен районунун Ак-Татыр, Самаркандек, Үч-Дөбө, Рават айылдарында 2,5 баллга чейин сезилген.
Жер титирөөдөн жабыркагандар жана кыйроолор катталган жок
Пикир
Оставить комментарий