Бишкек, 16-апрель /Кабар/. Ош облусунун Өзгөн районундагы Жалпак-Таш айыл аймагына караштуу Кысык-Алма айылындагы Чырмаш участкасында 2017-жылдын 15-апрель күнү жаңы пайда болгон жер көчкү жүргөн. Бул тууралуу КР ӨКМ басма сөз кызматы билдирди.
Алдын ала алынган маалыматтар боюнча, аталган жер көчкү 3 турак үйдү толугу менен басып, 1 турак үйгө жакындап калган.
КР ӨКМдин Өзгөн райондук бөлүмүнүн башчысы улук лейтенант Н.Кулмаматов 2017-жылдын 16-апрель күнү саат 07:30да аталган аймакка жеринде тактоо иштерин жүргүзү үчүн жөнөп кетти.
Кошумча маалымат берилет.
Пикир
Оставить комментарий