Бишкек, 01.02.22. /Кабар/. Жалал-Абад шаарынын мэри Эрнисбек Ормоков 2021-жылы аткарылган жумуштар боюнча отчёт берип, 2022-жылы аткарыла турган иштер менен тааныштырды.
Муниципалитеттин басма сөз кызматы билдиргендей, 2022-жылы жергиликтүү бюджеттен аткарыла турчу жумуштар боюнча маалымат берилип, жыйын суроо-жооп иретинде уланды.
Мэриядан белгилешкендей, 2022-жылы курулушу башталып, каржы тартыштыгынан токтоп турган курулуштарды аягына чыгарууга басым жасалат. Ошондой эле Шопоков көчөсүнө жаңы асфальт төшөлүп, эки четине тротуар курулуп, жарыктандылат.
Андан сырткары, Барпы-Сейил көчөсүнүн Кур-Кура көчөсү менен кесилишкен жерине чейинки аралыгы кеңейтилип, "Жалал-Абад Тазалык" мекемесине 7 даана таштанды жыйноочу автоунаа, 10 даана электроавтобус алынат.
Пикир
Оставить комментарий