Бишкек, 18.07.22. /Кабар/. Бүгүн, 18-июлда Жалал-Абад облусунун ички иштер башкармалыгынын имаратында бир катар спорттук мелдештерде ийгиликке жетишкен ИИМдин Атайын багыттагы полкунун Жалал-Абад шаарындагы өзүнчө ротасынын кызматкерлери медаль жана дипломдор менен сыйланды.
Облустук милициянын басма сөз кызматынан билдиришкендей, ошондой эле спортко кошкон зор салымы үчүн ИИМдин Атайын багыттагы полкунун Жалал-Абад шаарындагы өзүнчө ротасынын командири Равшанбек Кожобековго “EFC Эр-Таймаш” федерациясы тарабынан ыраазычылык кат тапшырылды.
Жалал-Абад ОИИБдин жетекчилиги тарабынан ийгилик алып келген кызматкерлер алкоого алынып, алардын жетишкендиктери милициянын кадыр-баркын көтөрүүгө кошкон салым катары бааланды.
Пикир
Оставить комментарий