Бишкек, 12.08.24. /Кабар/. Жалал-Абад облусунда бир катар социалдык объекттер пайдаланууга берилди. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Иш-чарага Жогорку Кеңештин төрагасы Нурланбек Шакиев жана Мамкурулуш агенттигинин директорунун орун басары Бактияр Станбековдор катышты.
Алгач Каныш-Кыя айылында курулган спорт комплекси ачылды. Бул спорт спорт объектинин курулушуна республикалык бюджеттен 25,5 млн сом бөлүнгөн. Андан соң Ала-Бука районунун Ак-Коргон айылында жайгашкан медициналык мекеменин ачылыш аземи өттү. Төрөгелди Балтагулов айыл өкмөтүнүн 40 миңге жакын тургундарын жана коңшу айылдардын тургундарын тейлеген оорукананын имараты 1964-жылы курулуп, жараксыз абалга келген. Буга байланыштуу өткөн жылы жаңы имараттын курулушу башталып, ага 30 млн сомго жакын каражат жумшалган. Учурда бул медициналык мекемеде 3 дарыгер жетектеген 33 кызматкер эмгектенет.
Мындан тышкары, жетекчилер авариялык абалдагы Жамалбек Ташкеев атындагы жана Ала-Бука районунда жайгашкан Жоомарт Бөкөнбаев атындагы №15 мектептердин абалы менен таанышты.
Пикир
Оставить комментарий