Бишкек, 03.07.24. /Кабар/. Күн мурун президенттин Жалал-Абад облусундагы өкүлү Абсаттар Сыргабаев Кытайдын Кыргызстандагы элчиси Ду Дэвэнь менен жолугушту.
Өкүлчүлүктөн маалымдашкандай, тараптар Кыргызстан менен Кытай дын ортосундагы соода-экономикалык, өндүрүш жана кайра иштетүү жаатындагы динамикалуу өсүүлөр орун алып жатканын белгилешти. Анын алкагында Жалал-Абад облусунун стратегиялык мааниси, иш алып баруу багыттары тууралуу сөз болду.
Жолугушуунун жүрүшүндө облус аймагындагы кытайлык инвесторлордун коопсуздук маселелери талкууланып, эки тараптуу пайдалуу долбоорлорду ишке ашыруу аракеттери улантылаары кошумчаланды.
Пикир
Оставить комментарий