Бишкек, 11.10.21. /Кабар/. Жалал-Абад шаарынын мэриясы жана “Youth of Osh”, “Дестинация Жалал-Абад” коомдук бирикмелери тарабынан “Эковеломарафон” аталышындагы иш-чара өттү.
Шаардык мэриянын басма сөз кызматы билдиргендей, экологиялык марафонго Жалал-Абад шаарынын вице-мэрлери Элдос Таев, Гүлбарчын Таштанбекова баштаган мекеме-ишканалардын кызматкерлери, “Youth of Osh”, “Дестинация Жалал-Абад” коомдук бирикмелеринин өкүлдөрү жана шаар тургундары катышты.
Иш-чаранын негизги максаты - абанын булганышы кѳйгѳйүнѳ коомчулуктун кѳңүлүн буруу, экологиялык транспорт жана дени сак жашоо образын жайылтуу.
Уюштуруучулар велосипедди башка унаа каражаттарына альтернатива катары колдонуу шаардагы абанын булганышын азайтууга мүмкүнчүлүк түзѳрүн белгилешет.
Аталган веломарафонго 100дөн ашуун велосипед сүйүүчүлөр катышты. Иш-чаранын соңунда катышуучуларга баалуу белектер тапшырылды.
Пикир
Оставить комментарий