Бишкек, 18.05.23. /Кабар/. Бүгүн, 18-майда Жалал-Абад шаарындагы Барпы театрында Энелер күнүнө арналган майрамдык иш-чара өттү. Бул тууралуу шаардык мэриядан билдиришти.
Иш-чарага Жалал-Абад шаарынын мэри Эрнисбек Ормоков, шаардык кеңештин төрагасынын орун басары Автандил Дүйшеев, ардагерлер кеңешинин төрагасы Дүйшөн Мамасалиев, баатыр энелер, шаардын социалдык-экономикалык өнүгүүсүнө салым кошуп жаткан айымдар катышты.
Шаар мэри Эрнисбек Ормоков Энелер - жашоонун башаты, үй-бүлөнүн ынтымагын ширелткен коломтонун ээси, коомдун уюткусу жана үйдүн куту экенин белгилеп, бир катар энелерге сыйлыктарды тапшырды.
Жалал-Абад шаарында жыл сайын 150 энеге майрамга карата жергиликтүү бюджеттен 500сомдон акча каражаты бөлүнөт.
Белгилей кетсек, учурда Жалал-Абад шаарында 239 “Баатыр эне”, 46 “Эне даңкы” медалынын ээси бар.
Пикир
Оставить комментарий