Бишкек, 27.05.21. /Кабар/. Бүгүн, 27-майда Жалал-Абад шаардык электр энергия сатуу ишканасынын кызматкерлери шаардагы мыйзамсыз электр энергиясын колдонгон майнинг-ферманыаныкташты. Бул тууралуу «Жалалабатэлектро» ААКнын басма сөз кызматы билдирет.
Маалыматка ылайык, майнинг-ферма Жалал-Абад шаарындагы Индустриальная №6 көчөсүндөгү «Автожол» жабык акционердик коомунун (мурунку СМУ ТТ заводунун) аймагында жайгашкан.
«Автожол» ЖАКтын кызматкерлеринин катышуусунда майнинг-ферманын электр энергиясы өчүрүлүп, пломбаланып, тиешелүү акт түзүлдү.
Азыркы учурда материалдар тиешелүү органдарга өткөрүлүп берүүгө даярдалып жатат.
Пикир
Оставить комментарий