Бишкек, 11.06.24. /Кабар/. Жалал-Абад шаарындагы Абдраманов көчөсүнө асфальт төшөлүүдө.
Муниципалитеттен билдиришкендей, көчөнүн жалпы узундугу 2,6 чакырымды түзөт.
"Жолдун туурасы буга чейин 7 метр болгон болсо, учурда ал 14 метрге кеңейтилип, асфальт төшөлүүдө. Алдыда жолдун четине темир-бетон арык куурлары жаткырылып, жарыктандыруу иши жүргүзүлөт", - деп айтылат маалыматта.
Жол оңдоо иштерине каражат республикалык бюджеттен бөлүнгөн.
Пикир
Оставить комментарий