Бишкек, 18.06.21. /Кабар/. Жалал-Абад шаарындагы базарлар, кафе-ресторан жана коомдук тамактануучу жайлар атайын графиктин негизинде бир күнгө ишин токтотуп, дезинфекциялоо иштерин жүргүзөт. Бул тууралуу Жалал-Абад шаарынын вице-мэри Гүлбарчын Таштанбекова ишкерлер менен жолугушуу учурунда билдирди.
Маалыматка ылайык, Жалал-Абад шаардык мэриясында шаар аймагындагы базар, кафе-ресторандар жана коомдук тамактануучу жайлардын ээлери, ишкерлер менен жергиликтүү бийлик, тийиштүү кызмат өкүлдөрү жолгушту.
Жыйында учурдагы пандемиялык кырдаал талкууланып, COVID-19 илдетинин мындан ары жайылуусунун алдын алууга багытталган чечимдер кабыл алынды.
Ага ылайык, бардык базарлар, кафе-ресторан жана коомдук тамактануучу жайлар 21-июндан тартып, атайын графиктин негизинде бир күнгө дезинфекциялоо үчүн жабылмай болду.
Пикир
Оставить комментарий