Бишкек, 18.03.22. /Кабар/. Жалал-Абад шаарында “Мамлекеттик тилге маанилүү камкордук” аталышындагы окутуу өтүп жатат. Бул тууралуу Жалал-Абад шаардык мэриясынын басма сөз кызматы билдирет.
Маалыматка ылайык, аталган окутуу “Кыргыз Республикасынын мамлекеттик тили жөнүндө” мыйзамынын аткарылышы, мамлекеттик жана муниципалдык мекемелерде иш-кагаздарды мамлекеттик тилде жүргүзүү максатын көздөйт.
Окутууга Жалал-Абад шаарынын вице-мэри Гүлбарчын Таштанбекова, шаардагы мекеме-ишканалдын кызматкерлери, мугалимдер катышууда. Анда мамлекеттик тилде жазуу эрежелери, иш кагаздарын мамлекеттик тилде туура жүргүзүү боюнча маалыматтар берилип жатат.
Аталган окутуу "Ханнс Зайдель" фондунун колдоосу менен Жалал-Абад шаарынын мэриясынын социалдык өнүгүү бөлүмүнүн башкы адиси Тунугай Курбанова тарабынан уюштурулду.
Пикир
Оставить комментарий