• 89.41
  • 96.91
  • 0.97

Жалал-Абадда көп балалуу 404 энеге медаль жана ордендер тапшырылды

Аймак 0

Бишкек, 13.02.24. /Кабар/. Жалал-Абадда 404 көп балалуу эне "Баатыр эне" ордени жана "Эне даӊкы" медалдары менен сыйланды. Бул тууралуу президенттин аймактагы өкүлчүлүгүнөн билдиришти.

Маалыматка ылайык, КР президентинин жарлыгы менен Жалал-Абад облусунан жети жана андан көп бала төрөгөн жана татыктуу тарбиялаган 280 көп балалуу энеге “Баатыр эне” ордени, ал эми алты бала төрөгөн жана аларды татыктуу тарбиялаган 124 көп балалуу энелер “Эне даӊкы” медалдары менен сыйланды.

Өткөн жылы жалпысынан облус боюнча 404 көп балалуу эне мамлекеттик сыйлыктын ээси болду. Ал эми 2024-жылга карата бул наамдарга облус боюнча 128 көп балалуу энелердин документтери сунушталды.

Пикир

Оставить комментарий