Бишкек, 27.11.19. /Кабар/. Жалал-Абад шаарында кадеттер арасында алыш күрөш боюнча Кыргызстандын алгачкы биринчилиги өтөт. Бул тууралуу Улуттук алыш күрөш боюнча федерациясынан билдиришти.
Мелдеш 6-7-декабрда Жалал-Абад шаарындагы "Газпром" ден соолукту чыңдоо борборунда өткөрүлөт. Таймашка өлкөнүн бардык облустарынан жана Бишкек, Ош шаарынан 15-17 жаш арасындагы кадеттер (кыз жана эркек) катышат.
Балбандар төмөнкү салмак ченинде күч сынашат:
- Эркектер: 30 кг, 35 кг, 40 кг, 45 кг, 50 кг, 55 кг, 60 кг, 65 кг, 70 кг, 75 кг, 80 кг жана 80 кг жогору;
- Кыздар: 35 кг, 40 кг, 45 кг, 50 кг, 55 кг, 60 кг, 65 кг, 70 кг жана 70 кг жогору.
Биринчиликтин негизинде алыш күрөш боюнда кыздар жана эркектер арасында күчтүүлөр аныкталып, улуттук курамдын катарына кошулат.
Жеңүүчүлөргө диплом, медаль жана баалуу белектер берилет.
Пикир
Оставить комментарий