Бишкек, 06.05.23./Кабар/. Жалал-Абад шаарындагы облустук Барпы атындагы кыргыз драма театрында Мамлекеттик катчы Сүйүнбек Касманбетовдун демилгеси менен уюштурулган "Манастын жети дубаны" атту концерти өттү.
Президенттин облустагы өкүлчүлүгүнөн билдиришкендей, иш-чара 5-май Конституциянын 30 жылдыгына карата өткөрүлүп, "Манас" театрынын чыгармачыл жамааты өз өнөрлөрүн тартуулашты. Концертте Манас эпосунан үзүндүлөр айтылып, акындардын айтышы, жандуу ырлар жаңырды.
Саамалыкка президенттин Жалал-Абад облусундагы өкүлү Абсаттар Сыргабаев катышып, баш мыйзамдын кабыл алынгандыгын 30 жылдыгы менен куттуктады. Өкүл кылымдар бою мамлекеттин калыптануусунда улуттук өнөр дүйнөсүнүн орду чоң экенин белгилеп, уюштуруу тобуна ыраазычылык билдирди.
Пикир
Оставить комментарий