Бишкек, 02.09.23. /Кабар/. Жалал-Абадда сел кооптуулугу жоюлууда. Бул тууралуу Өзгөчө кырдаалдар министрлигинен билдиришти.
Маалыматка ылайык, ӨКМдин Жалал-Абад облусу боюнча сел жана суу ташкындарынан коргоо бөлүмү тарабынан Кара-Үнкүр дарыясынын оң жана сол жээктерин калыбына келтирүү жумуштары жүрүүдө.
Учурда жумуштун дээрлик 80 пайызы бүткөрүлүп, жумуш кызуу жүрүүдө.
Аталган сел тосмолор пайдаланууга берилсе Базар-Коргон жана Ноокен райондорунун айыл чарба жерлерине жана турак жайларга болгон кооптуулук жоюлат.
Пикир
Оставить комментарий