Бишкек, 02.06.22. /Кабар/. Президент Садыр Жапаров бүгүн, 2-июнда, Чолпон-Ата шаарында таланттуу балдар үчүн президенттик мектептин курулушу менен таанышты. Бул тууралуу өлкө башчысынын маалымат кызматынан билдиришти.
Мамлекет башчысына жалпы билим берүүчү мекеме 220 окуучулук орунга эсептелген. Долбоорго ылайык, мектептин окуучулары үчүн билим алуу менен бирге ыңгайлуу жашоого зарыл шарттары түзүлөт.
Мектеп бардык заманбап стандарттарга жооп берип, анда окуучулардын туруктуу жашоосу үчүн уктоочу бөлмөлөр, ар кандай окуу бөлүмдөрү үчүн залдар жана башкалар жайгаштырылары белгиленет. Курулуш Сочи жана Санкт-Петербургдагы орус мектептериндей жүргүзүлөт. Мектеп демөөрчүлүк каражаттарды тартуу менен курулуат.
Бул жерде өлкөнүн бардык аймактарынан келген таланттуу балдар билим алып, талантын жана жөндөмүн өнүктүрүүгө мүмкүнчүлүк алышат.
Мектеп Кыргыз Республикасынын Саламаттыкты сактоо министрлигинин балансында турган курорттордун биринин аймагына курулуп жатат.
Мамлекет башчысы таланттуу балдарды өз убагында аныктоонун маанилүүлүгүнө токтолду. Бул мындай баланын жөндөмдөрү толук жана чыгармачылык менен өнүгүшү үчүн.
Ар кандай ишмердүүлүккө шыктуу балдардын талантын көрсөтүүгө жардам берүү зарыл.
Президент Садыр Жапаров бул объектинин курулушун 2022-2023-жаңы окуу жылына чейин бүтүрүүнү тапшырды.
Мындан тышкары, тиешелүү мамлекеттик органдарга бул долбоорду ишке ашыруу боюнча бардык маселелерди иштеп чыгуу тапшырылды, анын ичинде педагогикалык курамды калыптандырууну дагы.
Пикир
Оставить комментарий