Бишкек, 18.05.21. /Кабар/. Ысык-Көл облусуна караштуу Жети-Өгүз районунун Светлая Поляна айылында жаңы балдар бакчасы курулууда. Бул тууралуу Ысык-Көл облусун өнүктүрүү фондунан кабарлашты.
Маалымакта ылайык, курулуш иштери 2020-жылдын май айында башталган. Бүгүнкү күндө курулуштун 70% бүткөрүлдү. Жаны мектепке чейинки билим берүү мекемеси 2 кабаттан туруп, 140 орунга ылайыкташкан.
Жалпы тендерлик баасы 55 млн 534 миң сом. Каржылоо толугу менен Ысык-Көл облусун өнүктүрүү фондунан жүргүзүлүүдө. Жаңы бала бакчада бөбөктөр үчүн бардык шарттар түзүлөт.
Эске салсак, буга чейин Светлая Поляна айылына Ысык-Көл өнүктүрүү фонду тарабынан мектеп жана спорт зал курулуп берилген.
Пикир
Оставить комментарий