Бишкек, 27.10.22. /Кабар/. Жети-Өгүз районунун Барскоон айылында жаңы “Желденбай уулу Жылдызбек” атындагы мечит салтанаттуу түрдө ачылып, эл кызматына берилди. Бул тууралуу муфтияттын басма сөз кызматынан кабарлашты.
Боз үй формасында салынган мечиттин ачылышына Талантбек Акылбек уулу баштаган Жети-Өгүз райондук хатибиятынын жамааты катышты. Райондук баш имам-хатиб өз куттуктоосунда жалпы элди ынтымакка чакырып, "мечит – Жараткан Алла Тааланын үйү. Мечитти урматтап, сыйлап, жаштарыбызды ыйманга, адеп-ахлакка чакыруубуз зарыл", – деп билдирди.
Эскерте кетсек, боз үй формасында заманбап үлгүдө толук шарты менен курулган мечит Желденбай уулу Жылдызбектин балдарынын демөөрчүлүгү менен бүткөрүлдү.
Пикир
Оставить комментарий