• 88.91
  • 94.75
  • 0.95

Жогорку Кеңештин депутаттары Санариптик өнүктүрүү министрлигинде болушту

Коом 0

Бишкек, 02.03.24. /Кабар/. Күн мурун Жогорку Кеңештин “Ата-Журт Кыргызстан” парламенттик фракциясы Санариптик өнүктүрүү министрлигинде көчмө жыйын өткөрдү.

Министрликтен билдиришкендей, фракция лидери Бакытбек Сыдыковдун жетекчилиги астында депутаттар Бакыт өргөөсүнө жана Архив кызматына барып, алардын иши жана инфраструктурасы менен таанышып чыгышты.

Андан соң, Мамлекеттик кызмат жана жергиликтүү өз алдынча башкаруу иштери боюнча мамлекеттик агенттигинин жетекчиси Кудайберген Базарбаев “Санарип аймак” системасын ишке ашыруу жөнүндө маалымат берди.

Ал эми санариптик өнүгүү министри Нурия Кутнаева депутаттардын санариптик кызматтарды киргизүү, калкты документтештирүү, байланыш жана почта кызматтары сыяктуу министрликтин ишинин ар кандай аспектилерине байланыштуу суроолоруна жооп берди.

Катышуучулар көйгөйлүү маселелерди талкуулап, аларды чечүү үчүн көрүлүп жаткан чаралар жана пландар тууралуу маалыматты угушту.

Отурумдун жыйынтыгы боюнча, депутаттар СӨМ системасында жалпысынан өнүгүүсүн белгилеп, ошол эле учурда калк үчүн электрондук кызмат көрсөтүүлөрдү өнүктүрүү жана тармактар боюнча бизнес-процесстерди оптималдаштыруу боюнча чараларды жана аракеттерди күчөтүү зарылдыгын белгилешти.

“Ата-Журт Кыргызстан” фракциясынын бул сапары өлкөнүн санариптик өнүгүүсүнүн актуалдуу маселелерин чечүү максатында аткаруу жана мыйзам чыгаруу бийлигинин ортосундагы өз ара аракеттенүүнүн маанилүүлүгүн баса белгилейт.

Пикир

Оставить комментарий