Бишкек, 14.11.22. /Кабар/. Жогорку окуу жайларга кышкы кабыл алуу үчүн Жалпы республикалык тестирлөө үстүбүздөгү жылы 26-27-ноябрында өтөт. Бул тууралуу Билим берүү жана илим министрлигинин басма сөз кызматынан билдирди.
Маалыматка ылайык, 25-ноябрь - тестирлөө борборлорун даярдоо күнү. Ушул эле күнү 25-ноябрда тест борборлорунун базасында саат 13:00дөн 17:00 гө чейин абитуриенттерди кошумча каттоо жүргүзүлөт.
Тестирлөө борборлору:
- Бишкек шаарындагы №72 орто мектеби;
- Бишкек шаарындагы №95 окуу-тарбия комплекс мектеп-гимназиясы;
- Ош шаарындагы “Жетиген” мектеп-лицейи.
"Каттоого мамлекеттик үлгүдөгү документтер менен ырасталган жалпы орто же кесиптик орто билими бар жана учурда 2022-2023-окуу жылында ЖОЖдордо окубаган адамдарга уруксат берилет", - деп айтылат билдирүүдө.
Алдын ала өтүнмөлөр боюнча, 49 жогорку окуу жай кышкы кабыл алууну өткөрөт. Алардын ичинен: 17 мамлекеттик, 33 мамлекеттик эмес жогорку окуу жайлар. Кышкы кабыл алуу боюнча ЖОЖдордун жана багыттарынын тизмеси https://edu.gov.kg/https://edu.gov.kg/posts/1020/ сайтында.
Пикир
Оставить комментарий