Бишкек, 17.11.21. /Адил Төлөгөнов - Кабар/. Кыргызстандын футбол боюнча улуттук курама командасы Бахрейндин курамасы менен жолдоштук беттеш өткөрдү. Бул тууралуу кыргыз футбол бирикмесинен билдиришти.
Оюн 16-ноябрда Бишкек убактысы менен саат 22:00дө “Улуттук” (Эр-Рифте) стадионунджа өтүп, “Ак шумкарлар” 4:2 эсебинде жеңилүү ызасын тартты.
Эскерте кетсек, буга чейин кыргызстандык футболчулар Сингапурдун курамасын 2:1 эсебинде утуп алган.
Жолдоштук беттештер 2023-жылы өтө турган Азия кубогунун тандоо оюндарына даярдык көрүү максатында өткөрүлүүдө.
Белгилей кетсек, 2023-жылкы Азия кубогунун квалификациясынын финалдык туру үй-конок форматынан борборлоштурулган форматта өтөт. Азия кубогунун тандоо турунун тайпалык этабынын оюндары 2022-жылдын 8, 11 жана 14-июнь күндөрү өтөт.
Пикир
Оставить комментарий