Бишкек, 15.12.20. /Адил Төлөгөнов - Кабар/. Кыргызстандык балбан Жоломан Шаршенбеков грек-рим күрөшү боюнча Дүйнө кубогунда алтын медаль утту. Бул тууралуу Дүйнөлүк күрөш уюмунун сайтында айтылат.
Мелдеш 12-18-декабрда Белград шаарында (Сербия) өтүүдө.
Финалда Шаршенбеков (60 кг) россиялык Степан Марянян менен кармашкан. Беттеш 4:4 эсебинде аяктап, акыркы упайды Шаршенбеков алгандыгы үчүн алтын медаль ага ыйгарылды.
Эскерте кетсек, кыргызстандык спортчу жарым финалда түркиялык Ахмед Уярды 5:1 эсебинде жеңип алган. Ага чейинки кармашууда молдовалык, белорусиялык спортчуларды жеңген.
Белгилей кетсек, буга чейин Кыргызстандык балбан Калы Сулайманов 63 кг салмакта, ал эми Руслан Царев 72 кг салмакта грек-рим күрөшү боюнча Дүйнө кубогунда коло медалдын ээси болушкан.
Пикир
Оставить комментарий