Бишкек, 23.12.22. /Кабар/. Билим берүү жана илим министринин орун басары Расул Абазбек уулунун жетекчилиги алдында КРнын жогорку окуу жайларынын ортосунда эл аралык илимий-метрикалык маалыматтар базасына жазылууну сатып алуу үчүн консорциум түзүүгө макулдашылды.
Билим берүү жана илим министрлиги билдиргендей, аталган келишимдин негизинде жогорку окуу жайлары төмөндөгү индекстелүүчү маалымат базасын колдонууга мүмкүнчүлүк алат:
- 25 миңден ашуун рецензияланган илимий-техникалык жана медициналык журналдарга (7000ден ашуун эл аралык басмаканалар тарабынан чыгарылат);
- 200 миңден ашуун китеп;
- конференциялардын материалдарынын кеминде 10 миллион басылмаларына;
- 5 патенттик ведомстводон кеминде 45 млн патентке;
- 20 миңден ашуун методикалык маалыматтарды экспорттоо мүмкүнчүлүгүнө;
- атрибуттары бар толук жана ар тараптуу автордук профилдер: цитаталар, документтер, дүйнө жүзүндөгү бардык активдүү изилдөөчүлөр үчүн авторлоштор;
- күн сайын жаңыланган маалымат базасына.
Пикир
Оставить комментарий