Бишкек, 15.07.22. /Кабар/. Билим берүү жана илим министрлиги 2022-2023-окуу жылына жалпы республикалык тестирлөөнүн жыйынтыгы боюнча жогорку окуу жайларга абитуриенттерди тандоо жана кабыл алуу графигин бекитти.
Ведомствонун маалыматына ылайык, сынакка катышуу үчүн талапкерлерди каттоонун:
- I туру - 18-июль саат 8:00дөн 20-июль саат 14:00гө чейин;
- II туру - 25-июль саат 8:00дөн 27-июль саат 14:00гө чейин;
- III тур - 1-август саат 8:00дөн 8-август 14:00гө чейин;
- IV туру - 8-август саат 8:00дөн 10-август күнү 14:00гө чейин;
- V туру – 15-август саат 8:00дөн 20-август күнү 14:00гө чейин.
"Катталгандан кийин окууга сунушталган абитуриенттердин тизмелери илинет, андан кийин абитуриенттер ЖОЖдо окуу каалоосун ырасташы керек. Эгерде бош орундар калган болсо 22-23-24-августта, окууга сунушталган абитуриенттердин кошумча тизмелери илинет", - деп айтылат маалыматта.
Белгилей кетсек ЖОЖго тапшыруу жана сынакка катышуу үчүн абитуриент “Абитуриент Онлайн” автоматташтырылган маалыматтык тутумунун https://2020.edu.gov.kg/vuz сайтына катталуусу керек.
Пикир
Оставить комментарий