Бишкек, 08.10.24. /Кабар/. Нарын облусунун Жумгал районунун Байзак айылында 120 орундуу бала бакча курулууда. Бул тууралуу Архитектура, курулуш жана турак жай-коммуналдык чарба мамлекеттик агенттигинен билдиришти.
Маалыматка ылайык, объекттин курулуш иштери 2023-жылы республикалык бюджеттин эсебинен башталган.
Долбоор боюнча заманбап техникалар менен жабдылган эки кабаттуу имарат, откана, сырткы ажатканасы жана оюн аянтчасы каралган.
Бала бакчанын жалпы аянты 1330 чарчы метрди түзүп, курулуш-монтаждоо иштери "Курулуш компания Бакай" ЖЧКсы тарабынан жүргүзүлүүдө.
Пикир
Оставить комментарий