Бишкек, 31.10.24. /Кабар/. Бүгүн Жумгалда дайынсыз болуп жаткан ата-баланы издөөгө 106 адам жана 9 дрон тартылып, издөө иши 07:00дө башталды. Бул тууралуу Өзгөчө кырдаалдар министрлигинен билдиришти.
Анын ичинде ӨКМден 60 кызматкер 6 дрон, Ички иштер министрлигинен 20 кызматкер 3 дрон жана жергиликтүү тургундардан 26 жаран болуп, жалпы 106 адам, 9 дрон 22 топко бөлүнүп издөө иштерине чыгышты.
Бүгүн издөө иштери Өрнөк айылынан баштап Көкөмерен дарыясын болбой 30 чакырымына чейинки тилкесинде жүрөрү мерчемделген.
Ал эми Токтогул районунда Камбар-Ата 2 ГЭСинен Токтогул суу сактагычына чейинки жана Камбар-Ата-2 жана Камбар-Ата-1 ГЭСтеринин аралыгындагы Нарын дарыясын болой ӨКМден 8 куткаруучу ИИМдин 2 кызматкери менен эки топко бөлүнүп издөө иштерин жүргүзүүдө.
Белгилей кетсек, 2024-жылдын 16-октябрь күнү ата-бала мал кайтарууга жайлоого кетип, дайынсыз болгондугу тууралуу маалымат 19-октябрда түшкөн.
Пикир
Оставить комментарий