Бишкек, 25.03.21. /Кабар/. Жумгалда түнкүсүн көчөдө жүргөн 15 өспүрүм кармалды. Бул тууралуу Нарын облустук милициясынын басма сөз кызматынан кабарлашты.
Маалыматка ылайык, Жумгал райондук ички иштер бөлүмүнүн кызматкерлери атайын иш-мерчемдин алкагында Жумгал районунун Байзак айылында жайгашкан базарга жана Чаек айылындагы майда соода-сатык түйүндөрүнө атайын рейд уюштуруп, профилактикалык түшүндүрүү иштерин жүргүзүп жатышат.
Иш-чаранын жүрүшүндө Жумгал РИИБнүн алдын алуу каттоосунда турган жарандар текшерилип, аңгемелешүү жүргүзүлдү.
Ошондой эле түнкүсүн ата-энесинин коштоосу жок жүргөн 15 өспүрүм аныкталып, ата-энесинин кароосуна тапшырылып, көзөмөлдү күчөтүү жагы эскертилди.
Пикир
Оставить комментарий