Бишкек, 16.03.19. /Кабар/. Бүгүн 16-мартта Ички иштер министри Кашкар Джунушалиев кыргыз-тажик чек арасында ок тийген жарандардын абалынан кабар алды.
Маалыматка ылайык, министр алардын ден-соолуктарын сурап, кандай кошумча медициналык жардам керек болсо бериле тургандыгын айтып, алардын тез сакайып кетишин каалады, - деп билдирет ИИМдин басма сөз кызматы.
"Жаракат алгандардын арасында кызматтык милдеттерин аткаруу учурунда оң бутуна ок жаңылган Баткен райондук милициясынын айдоочу-милиционери Ж.Улукбек да бар. Кашкар Жунушалиев: “Сиздердин тезинен сакайып, аман-эсен үйлөрүңөргө барышыңарга тилектешмин. Сиздердин тезирээк сакайып кетишиңерге бардык шарттарды жана мүмкүнчүлүктөрдү түзүп беребиз”, - деди.
Пикир
Оставить комментарий