Бишкек, 24.06.19. /Кабар/. Жусуп Абдрахманов тууралуу толук метраждуу даректүү тасма Казакстандагы Евразия эл аралык кинофестивалында көрсөтүлөт. Бул тууралуу Кыргызстандын Кинематографияны өнүктүрүү фондунан билдиришти.
Аталган фестиваль 30-июндан 6-июлга чейин Нур-Султан шаарында өтөт.
Даректүү тасманын режиссеру – Эрнест Абдыжапаров.
Тасма кинофестивалдын "Өзгөчө окуя" программасында 5-июль күнү көрсөтүлөт.
Жусуп Абдрахманов советтик жана кыргыз мамлекеттик ишмер, Кыргыз АССРинин Эл Комиссарлар Советинин биринчи төрагасы болгон. Ал Сталиндик репрессиянын курмандыгы болуп, 1938-жылы атылган.
Пикир
Оставить комментарий