Бишкек, 19.11.20. /Кабар/. Кыргызстанда 2020-жылдын 10 ай ичинде өрт кырсыгынан 102 адам куткарылган. Бул тууралуу Өзгөчө кырдаалдар министрлигинен билдиришти.
Маалыматка ылайык, үстүбүздөгү жылдын 10 ай ичинде 2 миң 45 өрт кырсыгы катталган. Өрттүн кесепетинен 16 адам каза таап, 23 адам жабыркаган.
"Өздүк курамдын аракетинде тилсиз жоодон 102 адам куткарылып, 4 млрд 586 млн 564 миң сомдук материалдык баалуулуктар сакталган. Ал эми өткөн жылга салыштырмалуу өрттүн саны 38,9%га азайган, 2019-жылы 10 ай ичинде 3349 өрт кырсыгы катталган", - деп айтылат маалыматта.
Пикир
Оставить комментарий