Бишкек, 17.11.21./Кабар/. Айланма жолдогу кырсыктан 3 киши каза болуп, алтоо жабыркады. Бул тууралуу Өзгөчө кырдаалдар министрлигинин басма сөз кызматы билдирди.
Маалыматка ылайык, Бишкек-Нарын-Торугарт айланып өтмө унаа жолунун болжол менен 19-20-чакырымында УАЗ оор жүк ташуучу автоунаасы менен "Тойота Ипсум" жеңил автоунаасы кагышып, жүк ташуучу унаадан өрт чыккан.
"Өрт саат 17:40та чектөөгө алынып, 17:55те толугу менен өчүрүлгөн", - деп айтылат маалыматта.
Жол кырсыгынын кесепетинен 3 киши каза болуп, алтоо жабыркаган.
Куткаруучулар жабыркагандарды унаадан чыгарып, тез жардам кызматкерлерине өткөрүп беришкен.
Пикир
Оставить комментарий