Айсулуу Тыныбекова Олимпиаданын жарым финалында күрөшөт

Бишкек, 09.08.24. /Кабар/. Париждеги Олимпиада оюндарында Айсулуу Тыныбекова жарым финалга жолдомо алды.

62 кг чейинки салмак категориясында Айсулуу Тыныбекова чейрек финалда АКШнын балбаны Кайл Миракл менен кез келип, жеңишке татыды.

Буга дейре Айсулуу Тыныбекова 1/8 финалда нигериялык спортчу Эстер Колаволе менен күрөшүп, аны 4:1эсебинде уткан.

Эми Тыныбекова жарым финалда украиналык Ирина Коляденко менен күрөшөт.

Жарым финалдык беттештер Бишкек убактысы боюнча саат 22:15те башталат.