Бишкек, 15.06.21. /Кабар/. Аксыда аты менен сууга түшүп кеткен өспүрүмдү издөө иштери уланууда. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, 2021-жылдын 24-май күнү Жалал-Абад облусунун Аксы районундагы Терс айылынын тургуну 2010-жылы туулган Э.Н. аттуу эркек бала Желе-Терек тилкесинде жайлоого мал айдап бара жатып мал өтүүчү көпүрөдө аты үркүп кетип, аты менен кошо сууга түшүп кеткен.
Кечээ,14-июнда жерине издөө иш-чараларын улантуу максатында КР ӨКМнен 11 куткаруучу, ИИМден 2 кызматкер, жергиликтүү тургундардан 3 адам тартылган. Кеч киргендигине байланыштуу издөө иштери убактылуу токтотулду. Натыйжа болгон жок. Бүгүн издөө иштери улантылат.
Пикир
Оставить комментарий