Бишкек, 29.05.22./Кабар/. 27-майда КР акыйкатчысы Атыр Абдрахматова Жалал-Абад облусунун тургундарын онлайн кабыл алды. Бул тууралуу Акыйкатчы институтунун басма сөз кызматы билдирди.
Маалыматка ылайык, жалпы 47 адам онлайн кабыл алууда болду, анын ичинен Ала-Бука районунан 13 жаран, Аксы районунан 4 жаран, Сузак районунан 12 жаран, Базар-Коргон районунан 8 жаран, Ноокен районунан 6 жаран, Баткен районунун Сүлүктү шаарынын 4 жаран катышты.
Жарандарды онлайн кабыл алууда айтылган көйгөйлөр төмөнкүлөр болду:
1. КР жарандыгын алуу боюнча;
2. Балдардын туулгандыгы тууралуу күбөлүк алуу, алимент өндүрүү, жөлөкпул алуу;
3. Турак жай, жер мыйзамдаштыруу;
4. Калкты тейлөө кызматкерлеринин жумушуна, милиция кызматкерлеринин ишине нааразычылык.
Онлайн кабыл алуу маалында көпчүлүк кайрылгандарга Акыйкатчы Институтунун кызматкерлери, Акыйкатчы өзү да укуктук кеп-кеңеш берип, арыздары алынды.
Белгиленгендей, акыйкатчы онлайн кабыл алуусу ар бир айдын акыркы жума күнү өтөт. Кошумча маалымат: +996 (312) 66-32-80; ombudsmankg2022@gmail.com
Пикир
Оставить комментарий