Бишкек, 10.04.23. /Адил Төлөгөнов - Кабар/. Кыргызстандык балбан Акылбек Талантбеков Казакстанда өтүп жаткан күрөш боюнча Азия чемпионатынын финалына чыкты.
Акылбек Талантбеков грек-рим күрөшү боюнча 82 кг салмакта мелдештин жарым финалында ирандык балбанды 8:0 эсебинде утуп алды. Буга чейин ал индиялык спортчуну 7:1 эсебинде жеңген.
Аталган мелдеште буга чейин Акжол Махмудов (77 кг) алтын, Роман Ким (130 кг) коло медаль багындырды.
Белгилей кетсек, Азия чемпионаты 9-14-апрель күндөрү Астана шаарында өтүүдө.
Пикир
Оставить комментарий