• 88.85
  • 94.81
  • 0.95

Акылбек Жапаров Бишкек мэриясын күнү-түнү иштеп, инвестиция тартууга чакырды

Өкмөт 0


Бишкек, 18.02.24. /Кабар/. Министрлер кабинетинин төрагасы Акылбек Жапаров Бишкектин муниципалдык кызматтарын күнү-түнү иштөөгө чакырды. Бул тууралуу ал мэриянын жыйынында сүйлөп жатып билдирди.

"Шаарда көйгөйлөр күнү-түнү болот. Күнү-түнү иштөө үчүн экономиканы чыңдоо керек. Инвесторлор, мисалы, Чоң-Алайга, Ак-Талаага эмес, Бишкекке келишет. Аларга эң жакшы шарттарды түзүп беришиңер керек", - деди ал.

Министрлер кабинетинин төрагасы бул үчүн даяр техникалык-экономикалык негиздемелер, бизнес-долбоорлор, архитектуралык чечимдер жана коммуникациялык байланыштар болушу керек экенин белгиледи.

"Бул жерде инвестор келип, бирөөнүн жерин сатып алып, андан кийин көйгөйдүн бары башталат...", - деп кошумчалады ал коммуналдык кызматтардын иши жөнүндө.

Муну менен катар Акылбек Жапаров муниципалдык ишканалардын тартибин мэр өзү көтөрүшү керектигин баса белгиледи.

Пикир

Оставить комментарий