Бишкек, 19.11.24. /Кабар/. Бүгүн, 19-ноябрда Ош облусунун Араван районунун борбордук базарында өзгөчө кырдаалдар бөлүмү тарабынан пландан тышкары атайын өрт-тактикалык машыгуу өттү. Бул тууралуу Өзгөчө кырдаалдар министрлигинен билдиришти.
Машыгуу учурунда өрт өчүрүүчү унааларга мыйзамсыз орнотулган соода түйүндөрүнүн конструкциялары тоскоол болгону белгиленди.
Машыгуунун соңунда, соодагерлерге түшүндүрүү иштери жүргүзүлүп, күз-кыш мезгилинде өрт коопсуздук эрежелери боюнча сунуш баракчалар таркатылды. Базар жетекчилигине өрт өчүрүүчү автоунаалар өтүүчү жолдорду ачуу талабы коюлду, - деп айтылат маалыматта.
Пикир
Оставить комментарий