Бишкек, 19.10.17 /Кабар/. Бүгүн, 19-октябрда Кыргызстандын улуттук электр тармагы” ААК 110 кВ чыңалуусундагы “ТЭЦ Бишкек-Түштүк-2” аба чубалгысынын калыбына келтирип жаткандыгына байланыштуу саат 10:00дө 14:00 чейин Бишкек шаарындагы айрым аймактарда электр жарыгы жок болот.
Ага ылайык:
-Төкөлдөш конушунун түндүк бөлүгүндө,
-Восток-5 кичирайонунун түштүк бөлүгүндө,
-Чүй чоң көчөсүндө (Свердлов акимиаты тарапта),
-№66 орто мектепте,
-Курманжан датка/Анкара көчөлөрүнүн түндүк-чыгыш тарабында электр жарыгы өчүрүлөт.
“Түндүкэлектр” ишканасынан кабарлашкандай, энергетиктер кечээ күндөн бери шамалдын тийгизген залакасын жокко чыгаруу менен алек.
Кечээ, 18-октябрда саат 05:45те катуу шамал 110 кВ “ТЭЦ Бишкек-Южная-2” аба чубалгысын үзүп, үзүлгөн чубалгы 35 кВ “Промышленная-Энергострой” аба чубалгысына асылып калган. Жыйынтыкта, Бишкек шаарынын Свердлов районундагы керектөөчүлөр электр жарыксыз калган.
Саат 08:45те керектөөчүлөр электр энергиянын башка булагына кошулган.
Пикир
Оставить комментарий