Бишкек, 06.01.22. /Кабар/. Футзал боюнча Азия кубогу - 2022ге тандап алуу оюндарына чүчүкулак тартуу аземи бүгүн, 6-январда саат 13:00 өтөт. Бул тууралуу Кыргыз футбол бирикмесинен билдиршти.
Эске салсак, Кыргызстан 2022-жылы өтө турган Азия кубогунун бириктирилген Борбордук жана Түштүк зонадагы тандап алуу оюндарын кабыл алат. Турнир 1-15 апрель күндөрү Бишкекте өтөт. Бириктирилген Борбордук жана Түштук зонага 8 өлкө кирет.
Кутучулардын курамы:
1: Иран, Өзбекстан;
2: Кыргызстан, Тажикстан;
3: Түркмөнстан, Афганистан;
4: Непал, Мальдив.
Чүчүкулак тартуунун жыйынтыгы боюнча 4 командадан турган 2 тайпа түзүлөт. 2022-жылдын 22-сентябрдан тарта 20-октябрга чейин Кувейтте өтө турчу Азия кубогунун финалдык этабына тайпаны сап башын жана экинчи орундарын ээлеген командалар жолдомо алат. Баары болуп турнирге континенттин 16 командасы катышат.
Пикир
Оставить комментарий