Бишкек. 19.03.19 /Кабар/. «Барселона» футбол клубу кайрадан "Атлетико Мадриддин" чабуулчусу Антуан Гризманнды сатып алуу аракетин көрүүдө. Бул тууралуу sportbox жазат.
Каталониялык клуб Гризманнды былтыр эле сатып алууну көздөгөн. "Барселона" 2018-2019 сезондун аягында кайрадан "Атлетикого" сунуш кылууну пландап жатат.
Эске салсак, "Атлетико" Чемпиондор лигасынын 1/8 финалында "Ювентуска" утулуп, кийинки баскычка өтө албай калган. Ошондон кийин Гризманн "Атлетикодо" өз келечегине ишенбей калганы айтылууда.
Быйылкы сезондо Гризманн 28 оюнда талаагы чыгып, 12 гол киргизген.
Пикир
Оставить комментарий