Баткен облусунда мотосезон ачылды

Бишкек, 12.05.23. /Кабар/. Баткен облусундагы Кызыл-Кыя шаарынын борбордук аянтында “Мото сезон 2023” ачылыш аземи болуп өттү.

Президенттин Баткен облусундагы өкүлчүлүгүнөн билдиришкендей, иш-чарага Кыргызстан, Өзбекстан жана Казакстандан мото сүйүүчүлөр катышты.

Ачылуу аземинин алкагында сөз сүйлөгөн Кызыл-Кыя шаардык мэриясынын аппарат жетекчиси М.Эранов жана шаардык миилциянын башчысы К.Абдуллаев мото сүйүүчүлөргө ийгиликтерди каалады.

Жыл сайын өтүүчү мотожүрүш жол кыймылынын коопсуздугун сактоого чакыруу жана спорттун бул түрүн жайылтуу максатын көздөйт.