Бишкек, 22.07.21. /Кабар/. Баткенде милициянын көчмө кабылдамасы дарыгерлер менен чогуу иш алып барууда, - деп билдирет облустук милициянын басма сөз кызматы.
Баткен райондук ички иштер бөлүмүнүн милициянын көчмө кабылдамасында милициянын участкалык уполномоченныйлары жергиликтүү медицина кызматкерлери менен биргеликте Ак-Сай айыл аймагынын Көк-Таш, Орто-Боз, Таш-Тумшук айылдарында жашаган жергиликтүү тургундарга каронавирус илдетин алдын алууга, санитардык эрежелердин нормаларын сактоого чакырып, түшүндүрүү иштерин жүргүзүүдө.
Мындан сырткары, жаш өспүрүмдөрдү ата-энелер көзөмөл кылып, жол кырсыктарын, сууга чөгүү фактыларын алдын алуу боюнча иш-чараларды күчөтүүдө.
Айыл ичиндеги кооптуу болгон көлмөлөргө, арык бойлоруна Көк-Таш айылдык милиция бөлүмчөсү тарабынан чыгарылган эскертүү кагаздары чапталып, жаш өспүрүмдөрдүн коопсуздугу көзөмөлдөнүүдө.
Облустук милициядан кошумчалашкандай, жыл башынан бери бул аталган аймакта жаш өспүрүмдөрдүн сууга чөгүү фактысы катталган эмес.
Пикир
Оставить комментарий